Месси: "Яна бир бор ҳаракат қиламиз"

"Лионель Месси яқинлашиб келаётган Копа Америка ҳақида гапирди

Аргентина терма жамоаси турнир олди сўнгги ўртоқлик учрашувида Гватемала терма жамоаси устидан йирик 4:1 хисобидаги ғалабага эришди. Месси иккита гол урди ва битта голли узатмани амалга оширди.

Ўйиндан сўнг Лионель мухлисларга мурожаат қилди:
"Ғалаба қозониш тобора қийинлашиб бормоқда. Биз қўлимиздан келганича харакат қилишда давом этамиз. Бор кучимизни берамиз ва мақсадларимизга эришиш учун ўйнаймиз."

"Яна ушбу турнирда ғалаба қозониш ажойиб бўларди. Бу қийин бўлиши аниқ, лекин уриниб кўрамиз", - дея қўшимча қилди жамоа сардори.

Маълумот ўрнида, турнирнинг амалдаги чемпиони Аргентина терма жамоаси бу гал гуруҳ босқичида Канада, Чили ва Перу терма жамоалари билан куч синашади.