Мессини роса мақташди

ПСЖда бош мураббийлик қилган Маурисио Почеттини ўз қўл остида ўйнаган Лионель Мессининг имкониятларига баҳо берди.

- Леони тўхтатиб қолишнинг умуман имкони йўқ. Майдонда унга ўзининг энг яхши сифатларини кўрсатишига халақит қилиш қийин. Бу осон иш эмас. Месси ҳали ҳам дунёдаги энг зўр ўйинчи. Рақиблар ундан тўп олиб қўйишлари учун уларга омад керак бўлади, - деди Маурисио Почеттино.

Месси футболчилик фаолияти давомида жаҳон чемпионатидан ташқари ўзи иштирок этган барча турнирларда ғолиб чиққан.