Мессининг янги қирраси очилди

“Барселона” ҳужумчиси Лионель Месси фаолияти давомида энг кўп хет-трик қайд этган футболчи экани аниқланди.

Маълумотларга қараганда, аргентиналик ҳужумчи фаолияти давомида бир учрашувда 57 маротаба учта гол киритган. Унинг энг яқин таъқибчиси Криштиану Роналду эса 56 марта хет-трикка эришган. Демак, бу икки тўпурар ўртасидаги рақобат айни қизғин нуқтада.

Месси ва Роналду хет-триклар бўйича кучли учликка кирган Луис Суаресни анча ортда қолдириб кетган. Уругвайлик ҳужумчи 20 та ўйинда учтадан тўп киритган.

Хет-трик усталари рейтинг билан танишинг:

1. Лионель Месси — 57 та хет-трик.

2. Криштиану Роналду — 56.

3. Луис Суарес — 20.

4. Роберт Левандовски — 19.

5. Златан Ибрагимович — 16.

6. Серхио Агуэро — 15.

7. Ҳарри Кейн — 14.

8. Эдинсон Кавани — 13.

9. Эран Захави — 11.

10. Гонсало Игуаин ва Юсуф Ал-Арабий — 11.