"Металлург"нинг "Нефтчи"га қарши Бекободдаги охирги 4 та ўйинида фақат бир хил натижа қайд этиляпти

«Металлург» ҳамда «Нефтчи» кучлилар лигасида 44 бора тўқнаш келган. Ўзаро учрашувларнинг 24 тасида фарғоналиклар, 11 тасида бекободликлар ғалаба қозонишган. 9 та ўйин эса дуранг натижа билан якунланган. Киритилган ва ўтказиб юборилган тўплар нисбати водий жамоаси фойдасига – 75:41. Ўзаро ўйинларда «Нефтчи» 81, «Металлург» эса 42 очко жамғарган.

Бекободда ўтказилган баҳсларда мезбонлар 9 та ўйинда зафар қучган, 7 та ўйинда дуранг қайд этилган. 6 учрашувда эса меҳмонларнинг қўли баланд келган. Киритилган ва ўтказиб юборилган тўплар фарқи 25:23, бекободликлар фойдасига. Ўтган мавсум Бекободдаги учрашув тақдирини Бектемир Абдуманнонов томонидан киритилган ягона гол ҳал этганди – 1:0.

Бекободда ўтган сўнгги бешта учрашув:

25.10.2022 «Металлург» - «Нефтчи» - 1:0

28.07.2018 «Металлург» - «Нефтчи» - 1:0

25.11.2017 «Металлург» - «Нефтчи» - 1:0

22.11.2016 «Металлург» - «Нефтчи» - 1:0

11.04.2015 «Металлург» - «Нефтчи» - 0:1

“Металлург” матбуот хизмати.