"Милан" - "Женоа": Элдор Шомуродов майдонга тушди! (матнли трансляция)

Ассалому алайкум, мухтарам футбол ихлосмандлари! Италия А Серияси 31-туридан ўрин олган "Милан" - "Женоа" учрашуви матнли трансляция кўринишида эътиборингизга ҳавола этилади.

• 90+3'
  

  Учрашув якунланди. Захирадан ўйинга қўшилган Элдор жамоасига ёрдам бера олмади.

• 90+1'

  Сўнгги сонияларни меҳмонлар ҳужумда ўтказмоқда. "Милан"да қарши ҳужум учун яхши имконият бор.

• 90'
  

  Ўйиннинг асосий вақтига 3 дақиқа қўшиб берилди.1

• 88'
  

  Хакан Чалханўглу ўз ўрнини Раде Круничга бўшатиб берди.

• 86'

  "Милан" ҳимояси ҳақиқий қўрғон бўлиб берди. Бўш қолган дарвозага йўлланган кетма-кет икки зарбаси ҳимоядагилар бартараф этди.

• 85'

  Чап қанотдан олдинга ўтган Тео Эрнандес тўп йўқотди. Муҳими, унинг бу ҳаракатлари вақтни олди.

• 84'
  

  Меҳмонлар бурчак зарбасидан кейин ҳеч қандай хавф уюштира олмади.

• 83'
  

  Баллардини сўнгги умидни майдонга ташлади. Стротман ўрнига Бехрами ўйинга қўшилди.

• 81'

  Жарима майдонига узатилган тўпни Маттиа Перин ушлаб олди.

• 80'

  Мазбонлар жарима майдони яқинида стандарт вазиятга эга бўлди

• 78'

  Марко Пьяцанинг жарима майдони ташқарисидан берган зарбасига аниқлик етишмади.

• 76'

  Амалга оширилган ўзгаришлар "Женоа" ўйинига фаоллик киритди

• 74'
  

  Шомуродов ва Пандев Скамакка ҳамда Кассатани алмаштирди

• 72'

  Тўп назорати генуяликлар томонга ўтди.

• 70'

  Ҳисобда ортда қола бошлаган меҳмонлар фаоллик намойиш этишга ҳаракат қилмоқда. Аммо рақиб ҳам бўш келмаяпти.

• 68'
  

  ГОЛ! "Милан" ҳисобда олдинга чиқиб олди!

  Бурчакдан оширилган тўпни Скамакка ўз дарвозасига киритиб юборди.

• 67'
  

  Миланликлар бурчакдан тўпни ўйинга киритиш имкониятини қўлга киритди.

• 65'

  3 рақиби қуршовида қолиб кетган Пьяца тўп йўқотди.

• 63'
  

  "Милан" сафида Леау, Калулу ҳамда Салемакерс ўрнига Манжукич, Далот ва Браим Диас ўйинга қўшилди.

• 62'

  Симон Кьернинг бош билан йўллаган зарбаси хавфли, бироқ ноаниқ чиқди.

• 61'

  Скамакканинг узоқ масофадан йўллаган зарбасига аниқлик етишмади.

• 60'

  "Женоа" рақибга қараганда фаолроқ кўринмоқда.

• 58'

  Ҳозиргина майдонга тушган Пьяцанинг зарбаси устун ёнгинасидан ўтиб кетди

• 57'
  

  Баллардинидан юриш: Дестро ва Гильоне ўрнига Пьяца ҳамда Бираски майдонга тушди.

• 56'

  Кесси жарима майдони ташқарисидан ўз омадини синаб кўрди. Тўп ноаниқ кетди.

• 55'

  Чалханўглунинг кучли зарбасидан кейин тўп тўсин юқорисидан ўтиб кетди.

• 54'

  Франк Кесси жарима майдони ичида тўпни шеригига узатди. Ҳимоячи хавфни бартараф этди.

• 52'

  "Россонерилар" аста-секинлик билан ўйин тизгинини қайтариб олмоқда.

• 50'

  Дестронинг бош билан йўллаган зарбасига аниқлик етишмади.

• 48'

  Иккинчи 45 дақиқаликда генуяликлар бироз фаолроқ кўринмоқда.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 43'

  Тео тезкор қарши ҳужумга ўтаётган Скамаккани қўполлик эвазига тўхтатиб қолди.

• 41'

  Бўлим сўнгида Пиоли шогирдлари рақибни босимда ушлаб турибди.

• 39'

  Гол ўтказиб юборган миланликлар олдинга ўта бошлади. Уларнинг мақсадлари каттароқ!

• 37'
  

  ГООООООООООООООООООООООООООЛ! Учрашувда ҳисоб тенглашди!

  Бурчакдан жарима майдони марказига оширилган тўпни Дестро дарвозага жойлаб қўйди.

• 35'

  Жамоадоши узатган тўпга Леау ета олмади. Ҳимоячи унга ҳалал беришга муваффақ бўлди.

• 33'

  Жарима майдони марказига етказиб берган тўпни Доннарумма ушлаб олди.

• 32'

  Милан Баделнинг жарима майдони ташқарисидан йўллаган зарбасига аниқлик етишмади.

• 31'

  "Женоа" футболчилари анча фаоллашиб қолди. Энди Доннарумма дарвозаси ҳам тез-тез "ўққа тутиляпти".

• 29'
  

  Қанотдан жарима майдонига ёриб кирган Дестронинг зарбасини дарвозабон қайтарди.

• 27'
  

  Исмаэль Беннасерга тиббий ёрдам кўрсатилмоқда.

• 26'
  

  Беннасерга нисбатан қоида бузган Гольданига огоҳлантирилди.

• 25'

  "Грифонлар" ҳимояда тартибли ҳаракат қилмоқда. 

• 23'

  Скамакканинг узатмасига жамоадоши бироз ета олмади.

• 22'

  Баллардини шогирдлари майдон бўйлаб тўпни ўзларида ушлаб турибди.

• 20'

  Дестро елкама-елка курашда Томорига енгилди.

• 19'
  

  Леаунинг зарбасидан кейин тўпни дарвозабон қайтарди.

• 17'

  Эрта прессинг уюштирган генуяликлар рақибни хато қилишга мажбур қилмоқда.

• 15'

  Голдан руҳланган "россонерилар" фаоллик намойиш этишда давом этяпти.

• 13'
  

  ГОЛ! Учрашувда ҳисоб очилди!

  Анте Ребичнинг жарима майдони ташқарисидан йўллаган зарбасини Перин қайтара олмади.

• 11'

  Жамоадоши узатган тўпга Салемакерс бироз ета олмади.

• 9'

  Ҳозирча генуяликлар ҳимояси рақибни жарима майдонига яқинлаштирмаяпти.

• 7'

  Миланликлар тўпни ўзларида ушлаб турибди.

• 5'

  Мезбонлар футболчисининг жарима майдони ташқарисидан йўллаган зарбасига аниқлик етишмади.

• 3'

  Илк дақиқалардан футболчилар тўп назоратини ўз томонига оғдиришга ҳаракат қиляпти.

• 1'
  

  Учрашувга старт берилди!

• 0'

  Футболчилар майдонга тушиб келди. Ҳозирча, улар орасида Шомуродов йўқ. Бироқ бир неча дақиқалардан кейин бошланадиган баҳсда "Женоа"дан мазмунли ўйин кутиб қоламиз