"Milan" A Seriyadan o‘ziga zo‘r hujumchi topdi

“Sassuolo” hujumchisi Domeniko Berardi yangi mavsumni “Milan”da boshlashi mumkin. Bu haqda Sportitalia nashri xabar bermoqda.

Yuqoridagi manbaga ko‘ra, “rossonerilar” bosh murabbiyi Stefano Piolining shaxsan o‘zi 26 yoshli futbolchini tarkibda ko‘rish istamoqda. U Berardining transferi masalasida allaqachon rahbariyat bilan aloqaga chiqqan.

O‘z navbatida “Sassuolo” ham Domenikoni ushlab turmoqchi emas. Klub uning transferini 40 million evroga baholamoqda.

Berardi o‘tgan mavsum A Seriyada jami 30 ta o‘yinda maydonga tushdi va o‘z hisobiga 17 ta gol hamda 8 ta golli uzatma yozdirib qo‘ydi. Uning “Sassuolo” bilan amaldagi shartnomasi 2024 yilga qadar imzolangan.