"Милан" Аканжи учун таклиф билан чиқди

Инсайдер Фабрицио Романонинг хабарига кўра, "Милан" "Манчестер Сити" ҳимоячиси Мануэль Аканжини олиш бўйича оғзаки таклиф йўллади. 

Миланликлар 30 ёшли швейцариялик футболчи учун 15 миллион евро ва бонуслар тўлашга тайёр.

Музокараларда жиддий тўсиқлар кутилмаяпти ва "Сити" ҳимоячини қўйиб юборишга тайёрлиги айтилмоқда. 

Айни пайтда "Милан" футболчининг вакиллари билан мулоқот олиб боряпти. Шунингдек, фулбекка А Серия клубидан ташқари, "Тоттенхэм" ҳам қизиқмоқда.