"Милан" бу мавсум чемпион бўла оладими? Бу саволга жамоанинг собиқ бош мураббийи жавоб берди

"Милан"нинг собиқ бош мураббийи Фабио Капелло “россонерилар”нинг жорий мавсумда А Серияда ғолиб бўлиш имкониятлари қай даражада экани ҳақида гапирди.

“Милан” “Наполи”га қарши ўйинда ўз классини намойиш этди. Шунингдек, "Фиорентина "га қарши ўйинда жамоанинг ғалабаси мени ҳайратда қолдирди. Улар шу куни жуда ажойиб кайфият кўрсатди ва Ибрагимовичсиз ўйнади.

"Милан"нинг бундай ўйинида Пиолининг катта хизмати бор. У гарчи "Лацио" ва "Фиорентина" каби жамоаларда яхши ишлаган бўлсада, менинг фикримча уни етарли даражада баҳолашмаяпти. “Милан” биринчи ўринга лойиқ ва чемпион бўлиши мумкин”, - деди Капелло.

“Милан” 9 турдан сўнг А Серия мусобақа жадвалида 23 очко билан пешқадамлик қилмоқда.