“Милан” “Челси” футболчисини ортга қайтариб юборади

“Милан”да ижара асосида ўйнаётган ярим ҳимоячи Темуе Бакайоко “Челси”га муддатидан олдин қайтади, дея хабар беради журналист Николо Скира.

Италия клуби 27 ёшли франциялик ярим ҳимоячининг шартномаси яна бир мавсумга амал қилишига қарамай, келишувни муддатидан олдин бекор қилишга қарор қилди.

Футболчи “россонерилар” сафида 20 та ўйин ўтказган тақдирда, 15 миллион евролик мажбурий сотиб олиш вариантини фаоллашиши мумкин эди. Бироқ, Темуе якунланган мавсум етарлича учрашувларда майдонга тушмади.

2021/22 йилги мавсумда Бакайоко “Милан”нинг 17 та ўйинида қатнашди, аммо ҳеч қандай самарали ҳаракатлари билан ажралиб тургани йўқ.