"Милан" футболчиси "Барселона" билан келиша олмади

"Милан" футболчиси Франк Кессье ёзда жамоасини ўзгартирмоқчи. У мавсум якунида эркин агент сифатида бошқа клуб сафига бориб қўшилишни режалаштирган. 

Қайд этилишича, футболчининг агенти "Барселона" вакиллари билан музокара ўтказган. Бироқ 25 ёшли ярим ҳимоячининг юқори маоши испанларга маъқул келмаган.

Аввалроқ Кессьенинг хизматларига "Интер" ва "Ювентус" каби Италия грандлари қизиқаётгани ҳақида хабарлар тарқалганди.

Маълумот ўрнида, Франк жорий мавсум А Сериянинг 17 учрашувида 5 голни ўз ҳисобига ёздириб қўйган.