"Милан" Жирунинг трансферини қачон эълон қилади?

Франциялик ҳужумчи Оливье Жирунинг "Милан"га кутилаётган трансфери деярли амалга ошди.

RMC Sport нашрининг хабар беришича, 16 июль куни Италия гранди 34 ёшли ҳужумчи билан шартнома имзоланганини расман эълон қилади.

Аввалроқ ОАВ Жирунинг "россонерилар" раҳбарияти билан икки мавсумга шартнома имзолаш бўйича келишиб олгани ҳақида хабар тарқатган эди. Ўз навбатида “Милан” Оливьенинг трансфери учун "Челси"га бир миллион евро тўлаши айтилмоқда.

Жиру Англия премьер-лигасининг сўнгги мавсумида 17 та учрашув ўтказди ва тўртта гол урди. У ўтган мавсум “аристократлар” билан Чемпионлар лигасида ғалаба қозонди.