"Милан" коронавирусга қарши курашиш учун пул тўплади

"Милан" клуби Италияга коронавирус касаллигига қарши курашиш учун ёрдам берди.

Вирусга қарши курашиш учун 600 минг евро хайрия пули тўланди ва маблағ йиғиш ишлари давом эттирилмоқда.

Хайрия клубнинг ўзи томонидан ташкил этилди. Футболчилар, клуб ходимлари, мухлислар ва раҳбарият томонидан маблағ ажратилди.

Шу қаторда, "россонерилар" талабалар уйдан ишлашлари учун 30 та планшет совға қилди, хитойлик мухлислар эса 16 минг дона ниқоб хайрия қилди.