"Милан" кўзлаган футболчисини сотиб ололмаяпти

Лондоннинг "Тоттенхэм" клуби ҳимоячиси Яфет Танганга фаолиятини Италия А Сериясида давом эттириши мумкин.

Журналист-инсайдер Фабрицио Романонинг сўзларига кўра, 22 ёшли футболчига "Милан" жиддий қизиқиб қолган. "Россонерилар" Яфетни мавсум охиригача ижарага олмоқчи, аммо "шпорлар" уни давралар оралиғида қўйиб юборишни хоҳламаяпти.

Шу сабабли "Милан" бу борада “Манчестер Юнайтед” ҳимоячиси Эрик Байи ва ПСЖ ҳимоячиси Абду Диаллони захира номзод сифатида кўз остига олиб қўйган.

Танганга жорий мавсум “Тоттенхэм” сафида жами 17 та ўйинда иштирок этди.