"Милан" ўз майдонида мағлуб бўлиб, гуруҳда қолиб кетди

Европа чемпионлар лигаси 6-туридан ўрин олган "Милан" - "Ливерпуль" учрашуви якунига етди. Мазкур баҳсда майдон эгалари 1:2 ҳисобида рақибга имкониятни бой берди. 

Дастлаб, Томори 29-дақиқада ҳисобни очди. 36-дақиқада Салоҳ мувозанатни тиклади. Иккинчи бўлимда Оригининг урган голи ўйин тақдирини ҳал қилди. 

Шундай қилиб, "Милан" 4 очко билан ўз гуруҳида сўнгги ўринни эгаллади. Максимал 18 очко тўплаган "Ливерпуль" биринчи ўрин билан кейинги босқич йўлланмасини ҳал қилди. 

• 90+4'
  

  Учрашув якунига етди. Мазкур баҳсда "Милан" рақибга 1:2 ҳисобида имкониятни бой бериб, гуруҳда қолиб кетди. 

• 90'

  Ўйиннинг асосий вақтига 3 дақиқа қўшиб берилди. 

• 87'

  Кессининг бош билан йўллаган зарбасига аниқлик етишмади. 

• 84'

  Кессининг узатмасидан сўнг Ибрагимович қайчи усулида зарба берди, бироқ кучсиз. 

• 82'

  "Милан" яқин масофадан жарима зарбаси тепиш имкониятини қўлга киритди. 

• 79'

  Цимикаснинг узатмасидан сўнг тўп майдонни тарк этди. 

• 76'

  Тео Эрнандеснинг узатмасидан сўнг Алессон тўпни эгаллаб олди. 

• 73'

  "Ливерпуль" ҳотиржам тўпни назорат қилмоқда. 

• 70'

  "Милан" ҳужум қилишга уринмоқда, бироқ қай йўсиндалигини футболчилар аниқлаштира олмаяпти. Олдинга бемақсад тепиб юборилаётган тўплар ҳимоячилар томонидан қайтарилмоқда. 

• 67'
  

  "Милан" фойдасига бурчак зарбаси. 

• 64'
  

  "Ливерпуль" таркибида ўзгариш. Салоҳ ўз ўрнини Кейтага бўшатиб берди. 

• 61'
  

  Салоҳнинг жарима майдони ичидан йўллаган зарбасидан сўнг тўп ҳимоячиларга тегиб қолди. Бурчак тўпи. 

• 59'
  

  Беннасер ва Салемакерс, Диас ва Тонали ўрнига майдонга тушди. 

• 57'
  

  Чемберленнинг зарбасидан сўнг тўп ҳимоячиларга тегиб қолди. "Ливерпуль" фойдасига бурчак зарбаси. 

• 55'
  

  ГООООООЛ! Маненинг зарбасидан сўнг дарвозабон тўпни қайтарди. Ориги қайтган тўпни бош билан дарвозага киритиб юборди. 

• 53'

  Тоналининг хатосидан сўнг Салоҳ тўпни эгаллаб олди ва зарба йўллади, зарба кучсиз ва дарвозабоннинг ўзига йўлланди. 

• 52'

  Кессининг узатмасидан сўнг Алессон тўпни осонлик билан эгаллади. 

• 50'

  Кесси "Ливерпуль" жарима майдони ичида йиқилиб тушди, бироқ йиқитилмади. 

• 48'

  Минаминонинг олисдан йўллаган зарбасига аниқлик етишмади. 

• 47'

  "Милан" иккинчи бўлимни яхши бошлади. "Россонерилар" "Ливерпуль" жарима майдони атрофида тўпни эгаллаб турибди. 

• 46'
  

  Учрашувнинг иккинчи бўлимига старт берилди. 

• 45+2'
  

  Биринчи тайм якунига етди. Ҳозирча ҳисоб 1:1. 

• 45'
  

  Биринчи бўлимга икки дақиқа қўшиб берилди. 

• 44'

  Диаснинг Златанга узатмаси ноаниқ, бироқ тўп "Милан"да қолди. 

• 41'

  "Милан" ҳимоядан чиқишда қийинчиликка дуч келмоқда. 

• 38'

  Мане яхши вазиятга чиқиб бораётган эди, бироқ ҳакам ҳуштагини чалди. Сенегаллик футболчи ўйиндан ташқари ҳолатда қолиб кетди. 

• 36'
  

  ГООООЛ! Чемберленнинг зарбасидан сўнг дарвозабон тўпни қайтарди. Салоҳ қайтган тўпга биринчи улгурди ва аниқ зарбаси билан ҳисобни тенглаштирди. 

• 34'
  

  "Ливерпуль" фойдасига бурчак тўпи.

• 33'

  Мессиас жароҳат олиб, майдонда ётибди. 

• 31'

  Цимикаснинг узатмаси жарима майдони ичидаги футболчиларга етиб бормади. 

• 29'
  

  ГООООООЛ! Бурчак зарбасидан сўнг бош билан йўлланган зарбани Алессон қайтарди, бироқ қайтган тўпни Томори дарвозага жойлаб қўйди. 

• 28'
  

  "Милан" бурчак тўпи тепиш имкониятига эга бўлди. 

• 26'

  Тўп назорати "Ливерпуль" фойдасига 60 га 40. 

• 24'
  

  "Ливерпуль" бурчак тўпи тепиш имкониятини қўлга киритди. 

• 21'

  Кесси Минаминога тўпни олдириб қўйди ва ўйин қоидасини бузди. 

• 18'

  Ўйин темпи бироз паст. Жамоалар 18-дақиқага қадар кўпроқ эҳтиёткорликкка эътибор бермоқда. 

• 16'

  Ибрагимовичга нисбатан рақиб футболчилари майдон марказида ўйин қоидасини бузди. 

• 14'

  "Ливерпуль"нинг навбатдаги ҳужуми ҳам мезбонлар ҳимоячилари томонидан қайтарилди. 

• 11'

  "Милан" ҳимоядан чиқишда бироз қийинчиликка дуч келмоқда. "Ливерпуль" яхши прессинг қилмоқда. 

• 8'

  "Милан" жарима зарбаси тепиш имкониятини қўлга киритди. Узатма амалга оширилгандан сўнг "росснери" футболчиси бош билан зарба йўллади, бироқ Алессон тўпни ортиқча қийинчиликсиз эгаллаб олди. 

• 6'

  "Ливерпуль" футболчисининг ноаниқ пасидан сўнг Кесси тўпни эгаллаб олди ва жарима майдони ичида турган шеригига пас берди, бироқ ноаниқ. 

• 4'

  "Ливерпуль" футболчиси Уильямснинг жарима майдони ташқарисидан йўллаган зарбасини дарвозабон эгаллаб олди. 

• 2 '

  "Милан" ҳимояда тўпни эгаллаб турибди. 

• 0'
  

  Ўйинга старт берилди. 

• 0'

  Европа чемпионлар лигаси 6-туридан ўрин олган "Милан" - "Ливепуль" ўйинидан матнли трансляцияни сайтимиз орқали томоша қилишингиз мумкин.