“Милан” қиммат ҳужумчи олади

А Сериянинг охирги учрашувида сафарда “Аталанта”ни мағлубиятга учратиб, иккинчи ўринни қайтариб олган “Милан” таркибини кучайтиришга қарор қилди.

Миланликлар айни пайтда ёш ва тезкор тўпурар ҳужумчига эҳтиёж сезмоқда. Шу боис, улар жамоага “Бенфика” ҳужумчиси Дарвин Нуньесни таклиф қилишни режалаштирмоқда. У яқин келажакда қария Златан Иброҳимовичнинг ўрнини эгаллаши керак бўлади.

“Милан” мақсадига етиш учун яхшигина харажат қилишига тўғри келади. “Бенфика” 21 ёшли уругвайлик ҳужумчи учун камида 50 миллион евро талаб қилмоқда.

Португалия чемпионатига “Альмерия”дан кўчиб ўтган Нуньес дебют мавсумида барча турнирларда 14 та гол уришга эришди.