"Милан" раҳбарияти "янги Пирло"нинг тақдирига ойдинлик киритди

"Милан" раҳбарияти "Брешия"дан ижарага олинган ярим ҳимоячи Сандро Тоналининг трансфер ҳуқуқини тўлиқ сотиб олишга қарор қилди.

Calciomercato нашрининг ёзишича, 20 ёшли италиялик футболчининг трансфери “россонерилар”га бонуслар билан бирга жами 25 миллион еврога тушади.

Италия футбол мутахассислари орасида "янги Пирло" деб таърифланган Сандро Тонали жорий мавсум "Милан" сафида 33 та ўйинда иштирок этди.