"Милан" Тео Эрнандесга ўринбосар топиб қўйди

Италиянинг "Милан" клуби сўнгги пайтларда Тео Эрнандесни сотиш эҳтимоли кучайгани сабабли унинг ўрнини босадиган футболчи қидирмоқда. "Caught Offside" порталининг маълумотига кўра, клуб "Арсенал"нинг украиналик ҳимоячиси Александр Зинченкога жиддий қизиқиш билдирган.

Манбага кўра, "Атлетико Мадрид" Тео учун таклифини 18–20 миллион еврогача оширган. Шу сабаб, унинг кетиши тобора реаллашмоқда. Бу ҳолатда "Милан" Зинченкони асосий чап қанот ҳимоячиси сифатида кўради.

Александр 2022 йилдан буён "Арсенал" сафида ҳаракат қилиб келади. У ўтган мавсум "канонирлар" таркибида 23 ўйинда майдонга тушиб, 1 та гол ва 1 та голли узатмани ўз ҳисобига ёздириб қўйган. 

Бундан ташқари, миланликлар Клублар ўртасидаги Жаҳон чемпионатидан сўнг "Реал Мадрид" ярим ҳимоячиси Лука Модрич билан ҳам шартнома имзолаши кутилмоқда. Бу ҳақида журналист ва инсайдер Фабрицио Романо хабар қилган эди.