"Milan" transfer oynasi yopilgunicha "Real"ning ikki futbolchisidan birini sotib oladi

"Milan" klubi yozgi transferlar yakunlanishi arafasida o‘zining markaziy chizig‘ini kuchaytirish haqida o‘ylay boshladi.

La Gazzetta dello Sport nashri tarqatgan xabarga ko‘ra "rossonerilar" bu borada "Real"ning ikki futbolchisi - Isko va Xames Rodrigeslarni ko‘z ostiga olib qo‘ydi.

“Milan” o‘zining asosiy darvozaboni Janluiji Donnarummani sotib yuborgach, yuqorida nomlari tilga olingan ikki futbolchidan birini xarid qilmoqchi.

Ta’kidlash kerakki, “qirollik klubi” Iskoni ham, Xamesni ham sotishga tayyor. Biroq, kolumbiyalik futbolchining ketish ehtimollari nisbatan yuqoriroq. Boisi, u jamoa bosh murabbiyi Zinedin Zidanning rejalariga kirmaydi.