"Милан" ва "Реал" қизиқаётган Стерлинг келажаги ҳақида гапирди

"Манчестер Сити" вингери Рахим Стерлинг журналистларнинг келажаги борасидаги саволларига жавоб қайтарди.

"Энг муҳими – мен "Сити"да бахтлиман. Қолганлари муҳим эмас. Ҳозир шартнома билан боғлиқ ҳолатлар ҳақида гапиришнинг вақти эмас", - деди англиялик футболчи. 

Рахимнинг "шаҳарликлар" билан амалдаги келишуви 2023 йилнинг ёзига қадар мўлжалланган. Аввалроқ, унинг хизматига "Реал" ва "Милан" клублари қизиқаётгалиги ҳақида хабарлар тарқалганди. 

Жорий мавсум Стерлинг 41 та ўйинда майдонга тушиб, 14 та гол урди ва 7 голга ассистентлик қилди.