Миландан гапирамиз! Ибрагимович узоқ муддатга сафдан чиққан бўлиши мумкин

"Милан" клуби форварди Златан Ибрагимович жамоа машғулотларида жароҳат олди. Бу ҳақда Sky Sport Italia нашри хабар бермоқда.

Юқоридаги манбага кўра, 38 ёшли швециялик футболчи 2 томонлама ўйин пайтида сон мушакларини шикастлаб олган.

Энди Златан тиббий текширувдан ўтказилади. Шифокорлар унинг жароҳати жиддий бўлиши ва у узоқ муддатга сафдан чиқиши мумкинлигидан хавотир олишмоқда.