"Милан"нинг узоқ муддатга сафдан чиққан футболчиси машғулотларга қайтди

"Милан" футболчиси Исмаэль Беннасер узоқ муддатга жароҳат олиб, жамоасига ёрдам бера олмаётганди. Маълум бўлишича, у "россонерилар" сафида жамоавий машғулотларда иштирок этган. 

Ҳозирда унинг майдонга тушиш эҳтимоли юқори эмас. Мураббийлар штаби ҳам футболчининг соғлиғи борасида таваккал қилишни истамаяпти. Бироқ у катта эҳтимол билан А Серия доирасидаги "Фрозиноне"га қарши баҳс қайдномасидан жой олади. 

Маълумот ўрнида, Беннасер ўтган мавсум Европа чемпионлар лигаси ярим финал ўйинидан ўрин олган "Интер"га қарши кечган учрашувда жароҳат олганди. Шундан сўнг, ярим ҳимоячи нақ 6 ойни лазаретда ўтказди.