Миллатлар Лигаси. Португалия - Франция: Матнли трансляция

Ассалому алайкум, муҳтарам футбол ихлосмандлари. УЕФА Миллатлар Лигаси 5-туридан ўрин олган Португалия - Франция учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

Португалия

    Европа миллатлар лигаси. "А"-гуруҳи. 3 5-тур

    15/11/2020, 00:45

    0
    :
    1
    Тугади

    Франция

    • Н'Голо Канте 53'

    Стадион: Estadio da Luz 0 томошабин

    Бош ҳакам: Tobias Stieler

    45'
    90'

    • 90+4'

      Учрашув якунланди! Матнли трансляция Жавоҳир Азимов томонидан олиб борилди!

    • 90+2'

      Иккинчи қаватдаги тўп учун курашда Роналду дарвозабонга нисбатан қўполлик ишлатди.

    • 90'

      Асосий вақтга 4 дақиқа қўшиб берилди.

    • 88'

      Тринкау жарима майдони ичида мувозанатни йўқотди. Шунга қарамай, марказга узатма амалга оширди. Тўпни Льорис эгаллади.

    • 87'

      Франция бурчак тўпини ўйинга киритиб, уни дарвозабонгача қайтарди. Мана вақт ўтказишнинг ажойиб усули!

    • 85'

      Данило Перрейра ва Жоау Фелиш учун ўйин якунланди. Улар ўрнига қолган вақт давомида Паулиню ҳамда Сержиу Оливейра ҳаракат қилади.

    • 84'

      Жарима майдонига узатилган тўпларни франциялик ҳимоячилар бирин-кетин қайтармоқда.

    • 82'

      Тезкорлик билан ҳужумга ўтаётган рақибини қоида бузиш эвазига тўхтатган Люка Эрнандес огоҳлантирилди.

    • 80'

      Майдон эгалари катта куч билан ҳужумга интилмоқда. Меҳмонларда қарши ҳужумлар учун ажойиб имкониятлар юзага келяпти.

    • 78'

      Оливье Жиру Антони Марсьяль ўрнига майдонга тушди.

    • 76'

      Роналду марказга узатилган тўпни дарвозага тўғирлаб юбора олмади.

    • 75'

      Моутиньонинг зарбасидан кейин тўп дарвозадан жой олишига бир баҳя қолди: Льорис суперсейв билан хавфни бартараф этди.

    • 73'

      Жота ўта қулай имкониятга эга бўлишига Кимпембе йўл қўймади. Ҳимоячи тўпни майдондан чиқариб юборди.

    • 71'

      Тринкау ҳамда Моутиньо ўйинга қўшилди. Улар ўрнига Бернарду Сильва ва Бруну Фернандеш захирага олинди.

    • 69'

      Рабьо катта тезликда рақибидан ўтди. Бироқ у тўпни марказга етказиб беришни уддалай олмади.

    • 67'

      Жота Варанни алдаб ўтолмади. Рафаэль ишончли ҳаракат қилди.

    • 66'

      Майдон эгалари шошиб ҳаракат қилмоқда. Бу уларга кўп ҳолларда панд беряпти.

    • 64'

      Дешам шогирдлари эрта прессинг уюштирмоқда. Натижада, португалияликлар ҳимоядан чиқишда бироз қийналяпти.

    • 62'

      Ўйин вақтини сунъий чўзганлиги учун Уго Льорис огоҳлантирилди.

    • 60'

      Геррейру узоқ масофадан дарвозага зарба йўллади. Льорис тўпни қайтарди. Мезбонлар иккинчи темп билан олдинга ўтди ва бу сафар Жота устунни нишонга олди.

    • 59'

      Кингсли Коман захирага олинди. Унинг ўрнига Маркус Тюрам ўйинга қўшилди.

    • 57'

      Рабьо жарима майдонига тўп узатди. Погбанинг зарбасидан кейин тўпни Патрисиу ушлаб олди.

    • 56'

      Диогу Жота Виллиам Карвалью ўрнига майдонга тушди.

    • 55'

      Французлар тезкорлик билан олдинга ўтди. Гризманн жамоасининг ҳужумини ноаниқ зарбаси билан бесамар якунлади.

    • 53'

      ГООООООООООЛЛЛЛЛЛЛ! Канте ҳисобни очди!

      Рабьо жарима майдони ичидан зарба берди. Патрисиу қайтарган тўпни Канте  бўш қолган дарвозага киритди.

    • 51'

      Гризманн тўпни ўзига бўйсундира олмади. Ҳужум бой берилди.

    • 48'

      Иккинчи қирқ беш дақиқаликни ҳам майдон эгалари фаолроқ бошлади.

    • 46'

      Иккинчи тайм бошланди!

    • 46'

      Футболчилар майдонга қайтди. Биз ҳам қайтамиз!

    • 45+1'

      Танаффус!

    • 45'

      Биринчи бўлимга 1 дақиқа қўшиб берилди.

    • 45'

      Бурчакдан оширилган тўпни Роналду дарвозага йўллади. Тўп тўсинни силаб ўтди.

    • 43'

      Майдон эгаларининг навбатдаги ҳужуми Бернардунинг тўп тўхтатишдаги хатоси натижасида узилиб қолди.

    • 41'

      Эрнандес марказга ажойиб узатма амалга оширди. Марсьялнинг зарбасини яна Патрисиу суперсейви билан бартараф этди.

    • 40'

      Бўлим сўнгини французлар тўпга эгалик қилиш билан ўтказмоқда.

    • 39'

      Фелиш жарима майдонига оширилган тўпни дарвозага тўғирлаб юборди. Льорис ҳеч қандай қийинчиликсиз тўпни ушлаб олди.

    • 37'

      Иккинчи қаватдаги курашда Марсьяль Геррейруга нисбатан қоида бузди. Ҳакам мезбонлар фойдасига қарор чиқарди.

    • 36'

      Роналду марказга узатма амалга оширди. Кимпембе тўпни майдон ташқарисига чиқариб юборди.

    • 35'

      Дешам шогирдлари фаолликни ошириб, ҳисобда олдинга ўтиб олишга уринмоқда. Энди португалларни қарши ҳужумда кўряпмиз.

    • 33'

      Ҳимояга қайтган Погба рақибнинг бурчак тўпини зарарсизлантирди.

    • 31'

      Иккинчи темп билан олдинга ўтган Люка Эрнандесни Данилу Перрейра чалиб йиқитди. Ҳакам уни огоҳлантирди.

    • 30'

      Жарима тўпини ақлли комбинация билан ўйинга киритган Гризманн Эрнандесга тўп узатди. Люка уни Рабьога ташлаб берди ва Адриеннинг чалқанча услубда йўллаган зарбаси тўсинга тегди. Йўл-йўлакай тўпга Марсьяль ҳам зарба беришга улгурганди.

    • 29'

      Карвалью Погбага нисбатан қоида бузди. Французларда яхши стандарт юзага келди.

    • 28'

      Роналду бу сафар ҳам воқеалар ривожидан илгарилаб кетди.

    • 27'

      Марсьяль жамоасининг ажойиб комбинациясини хавфли зарбаси билан якунланди. Бироқ тўп дарвозага кирмади.

    • 25'

      Сантуш шогирдлари жарима майдонига киришга бироз қийналмоқда. Шу туфайли, узоқ масофадан зарбалар кўп йўлланяпти.

    • 23'

      Павар жарима майдони яқинида Брунуни йиқитди. Стандарт вазиятдан зарба берган Роналдунинг уринишидан сўнг тўп жонли девордан қайтди.

    • 22'

      Ҳар икки жамоа вакиллари ҳам хавфли ҳужумлар ташкил этишда давом этмоқда.

    • 20'

      Бруну Фернандешнинг жарима майдони ташқарисидан берган кучли зарбасини Льорис ушлаб олди.

    • 18'

      Бурчакдан етказиб берилган тўпга Рабьо бош билан зарба йўллади. Тўп тўсин ёнгинасидан ўтиб кетди.

    • 17'

      Роналду ўйиндан ташқари ҳолатда қолиб кетди.

    • 15'

      Мезбонлар позицион ҳужумни афзал кўрмоқда. Қанотларга тез-тез узатмалар амалга ошириляпти.

    • 13'

      Французлар кучли прессинг уюштирмоқда.

    • 12'

      Дарвозабон билан юирга-бир вазиятга чиқиб борган Марсьяльнинг зарбасини дарвозабон қайтарди. Гризманнинг узатмаси шунчаки ажойиб чиққанди.

    • 10'

      Команнинг ўткир бурчакдан берган зарбасини Патрисиу муштлари билан уриб юборди. Хавфли зарбалар бўйича ҳисоб 1:1.

    • 9'

      Павар шериги томонидан оширилган тўп учун югурмади. Пас анча кучли чиққанди.

    • 8'

      Люка Эрнандес ҳужумда қоида бузди. Қанотда бир рақибидан ўтган ҳимоячи Карвальюга тўпни олдирди ва уни йиқитди.

    • 6'

      Роналдунинг узоқ масофадан йўллаган зарбасини Льорис қайтарди. Тўп дарвозабон учун бироқ ноқулай траектория ҳосил қилаётган эди.

    • 4'

      Рабьонинг узатмасига Марсьяль ета олмади.

    • 3'

      Майдон эгалари илк дақиқалардан тўпни назорат қилишга уринмоқда.

    • 1'

      Учрашув бошланди!

    • 0'

      Сардорлар иштирокидаги расмий жараёнлар ортда қолди. Старт учун барчаси шай!

    • 0'

      Футболчилар майдонга тушиб келди. Миллий мадҳиялар янгради.

    Матнда хатолик топсангиз, ўша хатони белгилаб, бизга жўнатинг (Ctrl + Enter)