Миранчук Италияга кетяпти. Энди Жалолиддиновга жой очиладими?

Италия чемпионатида юқори ўринлар учун курашадиган жамоалар сафига қўшилган “Аталанта” “Локомотив” ярим ҳимоячиси Алексей Миранчукнинг трансферини ҳал қилди.

Италияликлар бу футболчи учун москваликларга 14,5 миллион евро миқдорида маблағ тўлайдиган бўлди.  Маълумотларга қараганда, трансфер бўйича барча муҳим жиҳатларда келишувга эришилган.

24 ёшли Алексей Миранчук “Локомотив” таркибига қўшилган ҳамютимиз Жасур Жалолиддинов билан бир хил позицияда ўйнади. Жасурнинг ўзи ҳам, Алексей сингари чапақайлигини таъкидлаб, ўйин услуби уникига ўхшаши ва унга ҳавас қилишини билдирган эди.

Яқинда Жасур Жалолиддиновнинг трансфери бўйича юзага келган муаммоли вазият бартараф этилиб, ўзбек футболчиси Россия премьер-лигасида қайдномадан ўтказилди. Энди Жасурдан ўз ўйинлари билан “Локомотив” сафида ўз ўрнига эга бўлишини кутиб қоламиз.

Жасур Жалолиддинов премьер-лигада тўп суриш ҳуқуқига эга бўлди

​