Мората Роналду ҳақида гапирди
Унинг асабига қойил қолиш керак.
"Ювентус" ҳужумчиси Альваро Мората португалиялик жамоадоши Криштиану Роналду ҳақида ўз фикрларини билдириб ўтди.
“У исталган дақиқада гол ура оладиган етакчи ўйинчи. Унинг голлари бизни совринларга яқинлаштиради. У шахсий кўрсаткичлари учун эмас, балки ғалаба қозониш учун қўлидан келган ҳамма нарсани қилади. Криштианунинг ҳам худди Рафа Надаль сингари асаби пўлатдан. Бунинг учун Роналдуга қойил қолиш мумкин. У билан ўйнаш менга жуда ёқади”, - деди испаниялик футболчи.
36 ёшли Роналду жорий мавсум “Ювентус” сафида жами 44 та ўйинда иштирок этди ва ўз ҳисобига 36 та гол ҳамда 4 та голли узатма ёздириб қўйди. Унинг туринликлар билан амалдаги шартномаси 2022 йилнинг ёзигача имзоланган.
Аллегри жамоа бошқарувига қайтганидан сўнг, Роналдунинг “Ювентус”дан кетиши ҳақида жуда кўп миш-мишлар тарқалди.
Изоҳлар (0)