Мората Саудиядан келган таклифни рад қилди

Аввалроқ, Альваро Моратага Саудиянинг "Ал-Қодисия" клуби қизиқиш билдираётгани борасида хабарлар тарқалганди. Футболчи бу таклифни рад қилди, дея маълум қилмоқда инсайдер Фабрицио Романо. 

Журналистнинг сўзларига кўра, испаниялик ҳужумчи "Атлетико"да қолишга қарор қилган. У кейинги мавсумни ҳам мадридликлар сафида ўтказмоқчи. "Мен бу либосда ғалабалар қозониш қандай эканлигини тасвирлаб бера олмайман", - деди Мората. 

Агарда Мората қолишни истаётган бўлса, Артём Довбикнинг "матрасчилар"га трансфери барбод бўлади. Сабаби, томонлар айнан 31 ёшли страйкерни Саудияга йўл олганидан кейин украиналик ҳужумчи борасида келишиб олишлари кутилаётганди.