Моуриньо Эндрикнинг "Реал"даги келажагини очиқ айтди
Моуриньо Эндрик борасидаги гап-сўзларга нуқта қўйди
«Реал» бош мураббийи Жозе Моуриньо ёш ҳужумчи Эндрик қишки трансфер ойнасидан сўнг ижарага жўнатилиши мумкинлиги ҳақидаги миш-мишларга муносабат билдирди.
«Бу ҳақда ўйламасак ҳам бўлади! У кетиб қолиши эҳтимоли йўқ. Мен Эндрикка ишонаман. Унга қизиқиш билдирган клублар уни олиш учун мен билан курашишига тўғри келади.
Мен Эндрикни жуда яхши кўраман, унда улкан салоҳият бор ва у жамоамиз учун жуда муҳим. Эндрикка ижара шартномаси керак эмас, у “Реал” таркибидаёқ катта ишлар қилади, катта ютуқларга эришади. У яқинда жароҳатдан қайтди, “Вильярреал”га қарши ўйинда майдонга тушишга тайёр эди. Яқин орада у ўзининг ўйин вақтига эга бўлади», – деди Моуриньо.
Эслатиб ўтамиз, жорий мавсумда Эндрик «Реал» таркибида майдонда атиги 4 дақиқа ўйнаган. Бразилиялик футболчининг мадридликлар билан тузган шартномаси 2030 йил 30 июнига қадар амал қилади.
Изоҳлар (0)