Моуриньо: Ҳозир журналистлардан бошқа ҳеч ким билан гаплашмаяпман

Португалиялик машҳур мураббийи Жозе Моуриньо “Реал” ёки “Интер” каби собиқ жамоасига қайтишга қарши эмаслигини билдирди.

“Реал” ёки “Интер”га қайтиш мен учун катта шараф. Аммо, ҳозир мен сизлардан (журналистлар. таҳр) бошқа ҳеч ким билан гаплашмаяпман.

Биласизми, футболчи ёки мураббий қачонки ўзининг собиқ жамоасига қайтса, билингки у жамоа учун қандайдир яхши иш қилган. Агар сени яна чақиришяптими, демак у ерда сени қадрлашади.

Ҳозир мен хотиржам дам олиш ва сўнгги бир неча йиллар давомида бошдан кечирганларимни таҳлил қилиш имкониятига эгаман. Барчасини ўйлаб бўлганимдан сўнг, фаолиятимнинг янги босқичига тайёргарлик кўраман”, - дейди 55 ёшли португалиялик мутахассис.

Эслатиб ўтамиз, Моуриньонинг сўнгги иш жойи “Манчестер Юнайтед” клуби бўлган эди.