Моуриньо ҳужумчисини мақтади
Конференциялар лигаси гуруҳ босқичининг олтинчи турида ЦСКА устидан 3:2 ҳисобида қозонилган ғалабадан сўнг, “Рома” бош мураббийи Жозе Моуриньо ўйин ҳақида ўз фикр мулоҳазаларини билдирди.
- Мен иккита гол ўтказганимиздан бошқа ҳамма нарсадан қониқдим. Биринчи бўлимда бир жуфт гол уриб, кейин 3:0 ҳисобида олдинда бориб, баҳсни 3:2 ҳисобида якунлаш мантиққа тўғри келмайдиган иш.
Майоралнинг голи бу учрашувда менга ёққан энг яхши воқеа бўлди. Мен ҳайратга тушганим йўқ, чунки Борха доим кўп меҳнат қилади. Бугун у ҳақиқатан бор сифатини намойиш эта олди.
Бизда учта турнирга етадиган таркиб мавужуд эмас, шунга қарамай, Конференциялар лигасида гуруҳда биринчи ўринни олганимиздан бахтиёрман. Чунки иккита ортиқча ўйиндан қутилиб қолдик, - деди Жозе Моуриньо.
Эслатиб ўтамиз, “Рома” Конференциялар лигасининг нимчорак финалида ўйнайди. Ушбу босқичга 25 февралда қуръа ташланади. Уй-сафар тизимидаги икки учрашув 10 ва 17 март санасига белгиланган.
Фикрлар