Моуриньо "Рома"да Моратани кўрмоқчи, бироқ муаммо бор

"Рома" бош мураббийи Жозе Моуриньо жамоани "Атлетико" ҳужумчиси Альваро Мората билан кучайтирмоқчи. Бу ҳақида "Football Italia" нашри хабар бермоқда.

Бироқ Моуриньонинг бу танлови "Рома" раҳбариятига мақул келмаган. Рим клуби бошлиқлари "Вест Хэм" ҳужумчиси Жанлука Скамаккани олмоқчи. Бу трансфернинг амалга ошиши қийин, чунки “болғачилар” Скамакка учун 30 миллион евро сўрамоқда ва ижара вариантига ҳам рози эмас.

Эслатиб ўтамиз, Мората аввалроқ 2020/2022 йилларда Туриннинг "Ювентус" жамоаси таркибида ўйнаган.