Моуриньо "Ювентус"дан 10 очко олиб ташлангани ҳақида гапирди

“Рома” бош мураббийи Жозе Моуриньо молиявий фирибгарлик учун “Ювентус” клубидан ўн очко олиб ташлангани ҳақида гапирди.

“Мен бутун жамоага ачинаман. Мавсум тугашига икки тур қолганда бундай қарор ҳақида билиш қандайдир шафқатсиз ҳазилга ўхшайди. Мен ўз ишини бажараётган, лекин бошқаларнинг хатолари учун товон тўлаётган мутахассисларга ачинаман”, - деди португалиялик мутахассис Football-Italia нашрига берган интервьюсида.

Эслатиб ўтамиз, ушбу хабардан руҳий тушкунликка тушган “Ювентус” кеча сафарда “Эмполи”дан 1:4 ҳисобида мағлуб бўлди. 36 турдан кейин 59 очко билан “кекса синьора” А Серия турнир жадвалида еттинчи ўринда бормоқда.