Моуриньога катта баҳо беришди

“Рома” афсонаси Францеско Тотти жамоа ёзда янги ўйинчилар билан кучайтирилишига ишонч билдирди. Шунингдек, машҳур ҳужумчи Жозе Моуриньо ҳақида ҳам илиқ фикрлар айтди.

- Моуриньо – дунёдаги энг зўр мураббийлардан. Рим клуби ёзда унга муносиб футболчиларни олиб беришига ишончим комил. “Рома” йилдан йилга кучайиб бориши керак, - деди Франческо Тотти.

Тотти бутун фаолияти давомида “Рома”да ўйнаган. Пойтахт клубидаги дебютини 1992-1993 йилги мавсумда 16 ёшлигида нишонлаган.

25 йиллик фаолияти давомида 786 та учрашувда қатнашиб, ўз ҳисобига 307 та гол ёздириб қўйган. Тотти клубнинг аввалги хўжайини Жеймс Пелотти даврида клуб директори вазифасида ишлаган.