Моуриньони қаттиқ ҳақорат қилишди

Италия терма жамоасининг собиқ ҳужумчиси Антонио Кассано “Рома” бош мураббийи Жозе Моуриньони қаттиқ танқид қилди.

Ўткир тили билан эътиборга тушган Кассано португалиялик мутахассисни “Манчестер Сити” бош мураббийи Хосеп Гвардиола билан таққослади.

- Моуриньо ҳатто Гвардиоланинг пойафзалини тозалашга ҳам ярамайди. У пенсияга чиқса, ҳеч ким эсламай қўяди.

У мураббий сифатида қотиб қолган. Жозе қанақа совринларни ютгани мени қизиқтирмайди. Ҳеч бир соврини замонавий футболда қўлга киритилмаган, - деди Антонио Кассано.

60 ёшли Моуриньо сўнгги совринини ҳозирги жамоаси билан ютган. Ўтган мавсумда “Рома” УЕФА томонидан илк маротаба ўтказилган Конференциялар кубогида ғолиб чиққан эди.