Mourinyu fikridan qaytdi

Angliyaning "Manchester Yunayted" klubi bosh murabbiyi Joze Mourinyu jamoa hujumchisi Antoni Marsyalni qo‘yib yubormaslikka qaror qildi.

The Independent nashrining xabar berishicha, portugaliyalik mutaxassis 21 yoshli frantsuzning so‘nggi paytlarda ko‘rsatayotgan o‘yinlaridan qoniqish hosil qilmoqda. Aytish lozimki, mavsum boshida  Marsyal ham Mourinyuning “qora ro‘yxati”dan joy olgan edi. Biroq, tajribali mutaxassis ayni damda o‘zining bu qarorini o‘zgartirdi.

Ma’lumot uchun, Frantsiya terma jamoasi a’zosi joriy mavsum premer-ligada jami 13ta uchrashuvda ishtirok etdi va o‘z hisobiga 6ta gol hamda 2ta golli uzatma yozdirib qo‘yishga erishdi.