Муҳаммад Салоҳ келажаги бўйича кутилмаган қарорга келди

“Ливерпуль” ҳужумчиси Муҳаммад Салоҳ фаолиятини қаерда давом эттириши энг кўп муҳокама қилинаётган мавзулардан ҳисобланади.

Саудияликлар мисрлик футболчини олиб келиш учун таклифларини 215 миллион еврогача кўтарди. Аксарият экспертлар клуб катта миқдордаги бадал пулига 31 ёшли форвардни қўйиб юборишини, Салоҳнинг ўзи катта маош эвазига янги жамоага ўтишини кутганди.

Бироқ, Муҳаммад Салоҳ фаолиятини “Ливерпуль”да давом эттиришга қарор қилди. Таниқли журналист Франсуа Платонинг хабар беришича, у ҳозирги клуби билан янги шартнома имзолашга қарор қилган.

Манбага кўра, томонлар ўртасидаги музокаралар ижобий ҳал бўлиш арафасида турибди.

Муҳаммад Салоҳ 2017 йилдан бери “Ливерпуль” шарафини ҳимоя қилиб келмоқда. У клуб тарихидаги энг зўр тўпурар ҳисобланади.