Муҳаммад Салоҳ “Ливерпуль”га қаттиқ талаб қўйди

“Ливерпуль”нинг кейинги йиллардаги энг зўр тўпурари Муҳаммад Салоҳнинг клуб билан амалдаги шартномаси ёзда якунига етади.

Мисрлик футболчи яқинда клуб унга янги шартнома таклиф қилмагани ва Ливерпулдан кетиши мумкинлиги ҳақида гапириб, жамоа раҳбариятига босим ўтказди.

Муҳаммад Салоҳ янги шартнома бўйича клуб олдига қўядиган асосий талабларини шакллантириб бўлган.

Football Insider нашрининг ёзишича, 32 ёшли юлдуз “Ливерпуль” унга уч йиллик шартнома беришини кутяпти. Салоҳ 2028 йилнинг ёзигача жамоада қолмоқчи.

Муҳаммад “Ливерпуль”да 2017 йилдан бери тўп тўпиб келмоқда. Бу жамоа сафида Англия чемпионати ва Европа Чемпионлар лигаси ғолиби бўлган.