Мундиалда ишкалга сабаб бўлган Балогунни Англия грандига жойлашмоқчи

«Монако» клуби ҳужумчиси Фоларин Балогуннинг номзоди Лондоннинг «Тоттенхэм» жамоасига таклиф этилгани хабар қилинмоқда. Бу ҳақда Football Insider нашри маълумот берди.

Манбага кўра, 25 ёшли АҚШ терма жамоаси футболчиси карьерасида янги босқичга тайёр. Шу боис унинг вакиллари воситачилар орқали «Тоттенхэм» раҳбарияти билан алоқага чиққан. Лондон клубига Балогунни эркин шартларда эмас, айнан трансфер орқали олиш таклиф қилинган.

Шу билан бирга, ҳозирча бу келишув амалга ошиши қийин деб баҳоланмоқда. Чунки «Тоттенхэм» ҳужум чизиғини кучайтириш учун кўриб чиқилаётган номзодлар рўйхатида бошқа футболчилар ҳам борлиги таъкидланмоқда.

Эслатиб ўтамиз, ўтган мавсумда Фоларин Балогун барча мусобақаларни ҳисобга олган ҳолда 43 та ўйинда майдонга тушди, 19 та гол урди ва 5 та голли узатма муаллифига айланди.