Мурод Отажонов: "Раш-Милк"га қарши қийин ўйин ўтказдик

“Б” Про-лига 1-туридан ўрин олган “Раш-Милк” – “Бунёдкор-2” (0:1) учрашувидан сўнг меҳмонлар бош мураббийи Мурод Отажонов Sports.uz интернет порталига қуйидагича фикрларини билдирди.

“Мавсумнинг дастлабки ўйини бўлганлиги учун бошида бироз қийин кечди. Шогирдларим ушбу ўйинда амалга оширган меҳнатлари эвазига ғалаба қозондик. “Раш-Милк” ҳам яхши жамоа эканлигини кўрсатди. Умуман олганда , қизиқарли баҳс бўлди. Ўйинга яхши тайёргарлик олиб бордик. Бу жамоа яқинда қайтадан тузилди ва  мусобақага қўйилди. Яхши биласиз, кўплаб ёшларимизга эътибор шарт эди. Шуларни ҳисобга олиб, раҳбарият жамоани ташкил қилишди.

Жамоамизнинг асосий мақсади ёшларни кўпроқ ўйин амалиётига эга бўлишларини таъминлаш. Шунингдек,  “Бунёдкор”нинг асосий таркибига футболчи етиштириб беришдан иборат.  Ҳар бир турда жамоа ғалаба қозониши талаб қилинади. Раҳбарият бизга сифатли футбол намойиш қилишимиз ва асосий жамоага керакли ўйинчиларни етказиш вазифасини қўйган. Биз шу аснода ҳаракат қиламиз”, - дейди Отажонов.