Муросасиз кечган дербида "Қўқон" иродали ғалабани қўлга киритди

Хабарингиз бор, кеча Суперлига янги мавсумига старт берилган эди. Бугун Яйпанда дебютант "Турон" клуби 1-тур доирасида "Қўқон-1912" жамоасини қабул қилди. Ўта қизғин кечган баҳс қўқонликларнинг 1:2 ҳисобидаги иродали ғалабаси билан якунланди.

"Турон"нинг ягона голига ҳужумчи Жасурбек Ҳакимов муаллифлик қилган бўлса, "Қўқон-1912"нинг 2 голи Мўминжон Мелиев ҳамда Мурод Холмуҳамедовларнинг номига ёзилди.

Шу тариқа, дербида меҳмон жамоа ғалаба қозонди. Жамоа мухлисларини табриклаймиз!

• Суперлига
• 1-тур

Турон

• Жасур Ҳакимов 50'

1 : 2

10/03/2021 16:15

Қўқон-1912

• Мўминжон Мелиев 39'
• Мурод Холмуҳаммедов 64'

Стадион: "Ўзбекистон" стадиони, 4983 томошабин

Бош ҳакам: Зокир Қодиров

Батафсил

• 90+4'
  

  Учрашув якунланди! "Қўқон-1912" дербида иродали ғалабани қўлга киритди. Матнли трансляция Жавоҳир Азимов томонидан олиб борилди. Эътиборингиз учун раҳмат!

• 90+2'

  Туронда стандарт вазият юзага келди, бироқ Музаффаровнинг зарбаси ноаниқ чиқди!

• 90+'
  

  Учрашув асосий вақтига 4 дақиқа вақт қўшиб берилди.

• 86'
  

  Уххххх!!! Норбековнинг зарбасини дарвозабон қийинчилик билан қайтарди!!!

• 85'
  

  Ўзгариш: жароҳат олган Бекмуродов ўйинни давом эттира олмайди, унинг ўрнига майдонга Иқбол Маликжонов тушди

• 83'
  

  Бекмуродовга тиббий ёрдам кўрсатилмоқда. У ўйинни давом эттиролмаса керак.

• 79'

  Бекмуродовга нисбатан ўйин қоидаси бузилди. Жарима зарбаси.

• 78'
  

  Ажойиб ҳужум Норбековнинг офсайдда қолиб кетганлиги боис тўхтатилди.

• 74'
  

  Мезбонларда ўзгариш бўлди
  Жавоҳир Соҳибов ўрнига Кваме Кари Кари майдонга тушди

• 73'
  

  Унинг зарбаси узатмага айланди. Музаффар Абдуллаев маҳорат кўрсатди...

• 72'

  Яна Музаффаров стандарт вазиятдан зарба йўллайди. Бу сафар хавфли бўлиши мумкин.

• 72'

  Қайтган тўпга мезбон футболчи ноаниқ зарба йўллади.

• 71'

  Музаффар Музаффаровнинг жаримадан йўллаган зарбаси дарвоза тўсинига тегиб қайтди!

• 68'
  

  Яна бир ўзгариш: Мўмин Мелиевнинг ўрнига Ойбек Рустамов майдонга тушди

• 66'
  

  Ўзгариш: Муҳаммаданас Хасанов ўрнига Сардор Азимов майдонга тушди.

• 64'
  

  ГОООООООООООООООООООООООЛЛЛЛЛЛЛЛЛЛЛЛЛЛЛЛ! "Қўқон-1912" ҳисобда олдинга ўтиб олди!

  Мурод Холмухаммедов жарима тўпидан йўллаган аниқ зарбаси билан дарвозани ишғол этди.

• 61'

  Ашурматов шогирдлари тўп назоратини қўлга олишга уринмоқда.

• 59'
  

  Фозил Мусаев Абдураҳмон Абдулҳақов ўрнига майдонга тушди.

• 56'

  Яйпанда ёмғир кучайди. Табиийки, бу футболчиларга таъсир кўрсатмай қолмаяпти.

• 54'
  

  Қанотдан берилган зарбани "Турон" дарвозабони қайтаришга муваффақ бўлди.

• 53'

  Ҳисобдаги фарқни йўққа чиқарган майдон эгалари тўп назоратини қўлга олишга ҳаракат қилмоқда.

• 50'
  

  ГОООООООООООООООООООЛЛЛЛЛЛЛЛЛЛЛЛЛЛЛЛ! Мезбонлар ҳисобни теншлаштирди!

  Жарима майдони марказига етказиб берилган тўпни Жасур Ҳакимов дарвозага киритди.

• 48'

  Иккинчи бўлимни майдон эгалари фаолроқ бошлади.

• 46'
  

  Мезбонлар таркибида ҳаракат қилган Даврон Умировнинг ўрнига  Бо Йонг Ким майдонга тушди

• 46'
  

  Иккинчи тайм бошланди!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 44'

  Меҳмонов ҳамда Мелиев ўзаро тортишиб кетди. Ҳакам вазиятни ўнглади.

• 43'

  Мўлиев ҳужумда қоида бузди. Ҳакам ўйинни тўхтатди.

• 41'

  Ҳисобда олдинга ўтиб олган меҳмонлар фаоллик кўрсатишда давом этмоқда.

• 39'
  

  ГООООООООООООООООООООЛЛЛЛЛЛЛЛЛЛЛЛЛЛЛ! Учрашувда ҳисоб очилди!

  Мўминжон Мелиевнинг жарима майдони ташқарисидан йўллаган кучли зарбаси дарвоза тўридан жой олди.

• 38'
  

  Мурод Холмухаммедовга тиббий ёрдам керакка ўхшайди.

• 36'
  

  Бурчакдан "Турон" жарима майдони марказига етказиб берилган тўпни дарвозабон эгаллаб олди.

• 34'

  Жамоадоши узатган тўпга Собиржонов ета олмади.

• 32'
  

  "Қўқон-1912" футболчиси урган гол ўйиндан ташқари ҳолат туфайли инобатга олинмади.

• 31'
  

  Тўпни қўли билан тўхтатиб қолган Дайан Пониевич огоҳлантирилди.

• 31'

  Жарима майдонига етказиб берилган тўпни "Қўқон-1912" дарвозабони эгаллаб, жамоасининг тезкор қарши ҳужумини бошлади.

• 29'

  Катта тезлик олган Норбеков тўпни ўзидан бироз узоқлаштириб юборди. Мезбонлар эркин зарба билан тўпни ўйинга киритиб беради.

• 27'

  "Турон" футболчисининг узоқ масофадан йўллаган зарбасига аниқлик етишмади.

• 25'

  Ўйин темпи бироз пасайди. Томонлар эҳтиёткорликка урғу бермоқда.

• 23'

  Мерзляковнинг жарима майдони марказига узатган тўпига биринчи бўлиб дарвозабон етиб борди.

• 22'

  Ашурматов шогирдлари фаолликни қайтариб олди.

• 20'
  

  Холмухаммедовнинг зарбасидан кейин тўпни дарвозабон ушлаб олди.

• 19'

  Собиржоновга нисбатан ишлатилган қўполлик натижасида қўқонликлар яхши стандартга эга бўлди.

• 17'

  Ҳисоб очилиши мумкин эди! Жасур Ҳакимовнинг яқин масофадан йўллаган зарбасига бироз аниқлик етишмади.

• 15'

  Яйпанликлар позицион ҳужум уюштирмоқда.

• 12'

  "Қўқон-1912" жарима майдонига яқин ҳудудда стандартга эга бўлди. Аммо Ҳасановнинг узатмасига жамоадошлари ета олмади.

• 10'
  

  Бурчадан "Турон" жарима майдонига етказиб берилган тўпни мезбонлар қайтарди.

• 7'
  

  Қўқонликлар бурчак тўпидан наф чиқара олмади. Ҳимоячилар тўпни узоқлаштирди.

• 5'

  "Турон"нинг тезкор қарши ҳужумини Мерзляков бартараф этди.

• 3'

  Майдон эгалари дастлабки дақиқалардан фаоллик намойиш этмоқда.

• 1'
  

  Ўйин бошланди!