Мусиала ҳам садоқат, ҳам жасорат намойиш этди

Жамал Мусиаланинг "Бавария" билан янги шартномаси бўйича йиллик даромади 25-26 миллион еврони ташкил қилиши мумкин. 

Бу миқдорга асосий иш ҳақи ҳамда турли бонуслар киради. Бундан ташқари, 21 ёшли ярим ҳимоячи "Олтин тўп"ни қўлга киритса, қўшимча тўлов мавжуд. Шунингдек, содиқлик учун бонус олиши мумкин. 

"Sky Sport" хабарига кўра, Мюнхен клуби билан музокаралар чоғида Мусиала йиллик 4-5 миллион евродан воз кечди. 

Янги шартнома февраль ойига қадар имзоланиши кутилмоқда ва ушбу битим 2029 ёки 2030 йилгача амал қилади. Футболчининг амалдаги шартномаси эса 2026 йилда якунига етади.