МЮ, "Ливерпуль" ва "Милан" кўзлаётган футболчининг нархи қанча?

“Манчестер Юнайтед” раҳбарияти яқинлашиб келаётган қишки трансферлар даврида жамоанинг ҳимоя чизиғини кучайтирмоқчи.

“Қизил иблислар”нинг бу борада “Шальке” ҳимоячиси Озан Кабакни кўз остига олиб қўйган. Бу ҳақда Daily Mail нашри хабар тарқатмоқда. Гельзенкирхенликлар ёзда 20 ёшли туркиялик футболчини 44 млн еврога баҳолашган эди. Аммо пандемия сабаб клубда юзага келган молиявий инқироз туфайли улар Кабакни 27,5 млн еврога сотишга ҳам рози.

Таъкидлаш керакки, Озанга МЮдан ташқари “Ливерпуль” ва “Милан”дан ҳам жиддий қизиқишлар мавжуд.

Озан Кабак жорий мавсум Бундеслигада жами 8 та ўйинда иштирок этди.