МЮ футболчисига янги жамоа топилди

"Манчестер Юнятед" шарафини ҳимоя қилиб келаётган футболчи Мануэль Угарте фаолиятини Нидерландия чемпионатида давом эттириши мумкин. Бу ҳақда "Тhе Athletic" нашри хабар бермоқда.

Манба маълумотига кўра, уругвайлик ярим ҳимоячининг хизматларига "Аякс" жамоаси қизиқиш билдирмоқда. Амстердамликлар футболчини ижарага олишни режалаштирмоқда. Бироқ "қизил иблислар" янги бош мураббийи футболчини қўйиб юбориш ниятида эмас. 

24 ёшли футболчининг айни вақтда "трансфермаркт" порталидаги нархи 30 миллион еврони ташкил этади. Унинг клуб билан амалдаги шартномаси 2029 йилнинг ёзигача мўлжалланган.

Эслатиб ўтамиз, Мануэл жорий мавсум МЮ сафида 18 та учрашувда майдонга тушишга эришди.