МЮ Мадрид клуби футболчиси учун 150 миллион евро таклиф қилмоқчи

Мадриднинг "Атлетико" клуби ҳужумчиси Хулиан Альварес Англия чемпионатига қайтиши мумкин. "Diario Sport"нинг маълумотларига кўра, 25 ёшли ҳужумчига "Манчестер Юнайтед" қизиқиш билдирмоқда.

"Қизил иблислар" футболчи учун ёзги трансфер ойнасида 150 миллион евро таклиф қилишга тайёр. Манчестерликлар Альвареснинг "Атлетико" таркибидаги ўйинидан таассурот қолдирган. Бироқ Хулиан Мадрид клубида ҳамма нарсадан мамнун ва жамоани тарк этишни режалаштирмаяпти.

Эслатиб ўтамиз, ҳужумчи 2024 йил ёзида "Манчестер Сити"дан "Атлетико"га ўтган. Жорий мавсумда Альварес 36 ўйинда майдонга тушиб, 17 гол ва 4 ассист қайд этган.