МЮ "Тоттенхэм" футболчисини харид қилмоқчи

"Тоттенхэм" ярим ҳимоячиси Эрик Дайер фаолиятини бошқа бир АПЛ клубида давом эттириши мумкин.

Star нашри хабарига кўра, англиялик хавбек хизматларига "Манчестер Юнайтед" жиддий қизиқиш билдирмоқда. Transfermarket нашри 27 миллион еврога баҳолаётган хавбек учун "қизил иблислар" ёздаёқ таклиф юборишмоқчи.

Эслатиб ўтамиз, олдинроқ, "Тоттенхэм" агар Дайер клуб билан шартномани узайтиришни хоҳламаса, уни ёзда трансферга қўйишни режалаштираётгани ҳақида маълумот берилган эди. Дайернинг Лондон клуби билан амалдаги шартномаси 2021-йил ёзигача амал қилади.

Жорий мавсумда 26 ёшли футболчи "шпорлар" либосида 11 ўйинда майдонга тушиб, 1 та голлик узатма муаллифига айланди.