МЮ "Ювентус" юлдузини нишонга олди

"Ювентус" футболчиси Кенан Йилдиз фаолиятини АПЛда давом эттириши мумкин. Бу ҳақда "GiveMeSport" нашри хабар бермоқда. 

Манба маълумотига кўра, туркиялик футболчининг хизматларига "Манчестер Юнайтед" жамоаси қизиқиш билдирилмоқда. Турин клуби эса 20 ёшли вингер учун 100 миллион евро талаб қилмоқда. 

Ҳозирда Йилдизнинг "трансфермаркт" порталидаги нархи 75 миллион еврони ташкил этади. Унинг клуб билан амалдаги шартномаси 2029 йилнинг ёзигача мўлжалланган.

Маълумот учун, Кенан жорий мавсум Италия клуби сафида 31 та учрашувда майдонга тушиб, 9 та гол киритди  ва 8 та голли узатма амалга оширган.