Мюллер: "Вирцга "Бавария"да ўйнаш "Ливерпуль"га қараганда осонроқ бўлар эди"

"Бавария"нинг собиқ ярим ҳимоячиси Томас Мюллер Флориан Вирц учун Мюнхен клубида ўйнаш "Ливерпуль"га нисбатан енгилроқ бўлар эди, деган фикрни билдирди. Ўтган ёзда 22 ёшли хавбек "Бавария" қизиқишига қарамай, "Байер"дан Англия Премьер-лигаси клубига ўтган эди.

— Футбол нуқтаи назаридан у "Бавария"га мослашишни, албатта, осонроқ ўтказган бўлар эди. Чунки у ўша лигада қолган бўларди, — деди Мюллер "Süddeutsche Zeitung" нашрига берган интервьюсида.

Шу билан бирга, немис футболчиси Германия терма жамоаси ўйинчиларига нисбатан оммавий ахборот воситалари томонидан кўрсатиладиган катта эътиборга ҳам ишора қилди, айниқса "Бавария"да ишлар унчалик яхши кетмаётган пайтларда.

— Сен доим диққат марказида бўласан, — дея қўшимча қилди ҳозирда "Ванкувер Уайткэпс" сафида тўп сураётган Мюллер.