Наоми Осака Мельбурндаги юришини бошлади

Австралиянинг Мельбурн шаҳрида "Катта дубулға" туркумига кирувчи "Australian Open" турнирида биринчи давра баҳслари давом этмоқда.

Унда япониялик теннисчи Наоми Осака ва чехиялик Мари Бузкова ўзаро куч синашди. Мазкур учрашув 6:2, 6:4 ҳисобида Наоми фойдасига ҳал бўлди.

Энди Осака Австралия очиқ чемпионатининг иккинчи босқичида хитойлик Чжен Сайсай билан рақобатлашадиган бўлди.