"Наполи" де Брёйне билан муддатидан олдин хайрлашиши мумкин

35 ёшли бельгиялик ярим ҳимоячи Кевин де Брёйне шу ёзда «Наполи»ни тарк этиши мумкин. Бу ҳақда ижтимоий тармоқларда инсайдер Николо Скира хабар берди. Футболчи билан клуб ўртасидаги амалдаги шартнома 2026/2027 йилги мавсум охиригача мўлжалланганига қарамай, жамоа раҳбарияти унинг келажагини қайта кўриб чиқмоқда.

Манбага кўра, томонлар ўзаро ҳамкорликни тўхтатиши эҳтимоли бор. Сабаб сифатида де Брёйненинг Неаполь жамоасидаги ҳозирги мақоми кўрсатилмоқда. У ҳозирги пайтда «Наполи»нинг асосий етакчи футболчилари қаторига кирмайди.

Ўтган мавсум Италия А Сериясида де Брёйне 18 ўйинда майдонга тушиб, бешта гол урди ва икки марта голли пас берди. Тажрибали ярим ҳимоячининг бозор қиймати тахминан саккиз миллион евро атрофида баҳоланмоқда.