“Наполи” ва “Ювентус” “Манчестер Юнайтед” ҳужумчисини илиб кетмоқчи

“Манчестер Юнайтед” ҳужумчиси Расмус Хойлундга А Сериянинг “Наполи” ва “Ювентус” клублари жиддий қизиқиш билдирмоқда. 
 
Италиянинг икки клуби ҳам қишки трансферлар ойнасида таркибни кучайтириш мақсадида бир неча футболчиларни харид қилмоқда. Ҳозирда асосий муаммо сифатида ҳужум чизиғи кўрилганлиги сабаб, икки жамоа ҳам қишда ҳужумчи сотиб олишни мақсад қилиб қўйган. 
 
“Тalksport” нашрининг маълумотига кўра, сўнгги кунларда неаполликлар ва туринликлар “қизил иблислар” форварди ҳисобланган Хойлундга жуда катта қизиқиш билдирмоқда. Агарда манчестерликлар футболчини қўйиб юбормоқчи бўлса, италияликлар шартнома таклиф қилишга тайёр. 
 
Маълумот ўрнида, даниялик ўйинчи жорий мавсум “манкунияликлар” сафида 28 та беллашувда иштирок этиб, 7 та гол ва 1 та голли узатмага муаллифлик қилган. Унинг клуб билан шартномаси 2028 йилгача мўлжалланган бўлиб, Тransfermarkt порталидаги нархи 60 миллион евро деб баҳоланмоқда.