"Наполи" Хвича ўрнига "ҳеч қаерга сиғмаётган" футболчини кўзламоқда

"Наполи" юлдузи Хвича Кварацхелия тез орада клубни тарк этиши кутилмоқда. Клуб мутасаддилари унинг ўрнини тўлдириш учун АПЛдан футболчи олиб келмоқчи. Бу ҳақда "Mirror" нашри хабар берди.

Унга кўра, Италия клуби "Манчестер Юнайтед" ҳужумчиси  Маркус Рэшфордни қўлга киритиш учун жиддий бел боғлаган. "Қизил иблислар" бош мураббийи Рубен Аморим англиялик ҳужумчини деярли таркибга жалб қилмаяпти. Ҳозирги кунда Маркусни "Барселона", "Арсенал", "Милан", "Комо" ва Саудиянинг бир неча жамоалари ўз сафида кўрмоқчи.

Малумот учун, 27 ёшли ҳужумчининг манкунианликлар билан тузган амалдаги шартномаси 2028 йилнинг ёзигача мўлжалланган бўлиб, унинг Тransfermarkt порталидаги нархи 55 миллион еврони ташкил қилади.