"Насаф" футболчиси, легионерлар ва Ўзбекистон U-20 вакили - "Бухоро" 6 та янги трансферни эълон қилди

Ўзбекистон Суперлигасининг иккинчи даврасида муносиб иштирок этишни мақсад қилган "Бухоро" давралар оралиғида таркибни кучайтиришда давом этади. Клуб 6 та янги трансферни эълон қилди.

1. Франи Икич - 1994 йил Хорватияда туғилган. Ампуласи марказий ҳимоячи, бўйи 194 см. Фаолияти давомида “Задар” (Хорватия), “Копер” (Словения), “Сибалиа” (Хорватия) “Фузинар” (Словения), “Зелжезнисар” (Босния) “Гйирмот” (Венгрия) “Валез” (Босния) каби жамоаларда тўп тепган.

2. Лука Кукич - 1996 йил Босния ва Герцеговина давлатида туғилган. Ампуласи дарвозабон. Футболчилик фаолиятида Хорватия, Босния ва Польша жамоалари шарафини ҳимоя қилган.

3. Муҳаммаджон Раҳимов - 1998 йил Тожикистон давлатида туғилган. Ҳар иккала қанотда ҳаракатлана олади. Фаолияти давомида “Ҳосилот”, “Истиқлол”, “Ордабаси”, “Насаф” каби клубларда ўйнаган. Тожикистон миллий терма жамоаси сафида 45 та учрашувда майдонга тушган.

4. Диёр Ортиқбоев - 2003 йилда туғилган. "Пахтакор" академияси тарбияланувчиси, U-20 Осиё чемпионати ғолиби. Марказий ҳимоя ва таянч ярим ҳимояда бирдек ҳаракатлана олади. Диёр ижара асосида жамоада ҳаракатланади.

5. Асилбек Қаюмов - 2002 йилда туғилган, марказий ҳужумчи. "Турон" ва "Металлург" жамоларида тўп тепган.

6. Маҳмуд Жўрабоев - 2004 йилда туғилган, ҳужумчи. “Насаф” академияси тарбияланувчиси. Ўзбекистон U-23 терма жамоаси аъзоси. Жўрабоев мавсум охирига қадар ижара асосида бухороликлар таркибида майдонга тушади.